Бүген Казанда 15 градус салкын булачак
Синоптиклар аязучан болытлы һава торышын фаразлый, кар явуы көтелә.
Скопировать ссылку
(Казан, 8 гыйнвар, “Татар-информ”). Бүген синоптиклар Казанда 15 градус салкын булачак дип фаразлый. Җил көньяк-көнбатыштан, уртача тизлектә. Бу хакта Татарстан Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә.
Синоптиклар аязучан болытлы һава торышын фаразлый, кар явуы көтелә.
Һава температурасы Казанда -13...- 15 градус салкын. Татарстанда көндез максималь температура -18 градус салкын булачак, дип җиткерә синоптиклар. Юлларда бозлавык саклана.