Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Бүген Х Халыкара мөселман киносы фестивале тәмамлана
Кинофорум ябылу тантанасы “Пирамида” мәдәни-күңел ачу комплексында була
(Казан, 11 сентябрь, “Татар-информ”). Казанда Х Халыкара мөселман киносы фестивале дәвам итә.
Бүген көндезге 12 дә ТР Мәдәният министрлыгында жюри әгъзалары -Хоҗаколи Нарлиев (жюри рәисе, Төркмәнстан), Исхан Кабил (Төркия), Хонг Санг Ву (Көньяк Корея), Тофик Измайлов (Әзербәйҗан), Мансур Гыйләҗев (Россия, Татарстан) катнашында матбугат конференциясе узачак.
Көндезге 2 дә исә «Киномакс-Тандем» кинотеатрында режиссер һәм сценарийлар авторы Егор Кончаловский белән очрашу планлаштырыла. Ул журналистлар сорауларына җавап бирә һәм «Астана – любовь моя» (реж.Е.Шинарбаев) фильмын тәкъдим итәчәк. Бу фильм “Мәдәниятләр диалогында “ТӨРКСОЙ” программасының “Казакъстан манзарасы” секциясен төгәлли.
Искәртеп үтәбез: бүген фестивальнең соңгы көне. Кичке 6 да кунаклар “кызыл келәм” буйлап узачак. Ә фестиваленең ябылу тантанасы исә кичке 7 гә планлаштырылган. Ул “Пирамида” мәдәни-күңел ачу үзәгенә узар дип көтелә.
Кызыклы яңалыкларны күзәтеп бару өчен Телеграм-каналга язылыгыз