news_header_top_970_100
news_header_bot_970_100

Бүген дүртенче чакырылыш ТР Дәүләт Советының җиденче утырышы уза

Икенче укылышта Татарстан Республикасының 2010 елга бюджет проектын кабул итү көтелә

(Казан, 3 декабрь, “Татар-информ”). Бүген дүртенче чакырылыш ТР Дәүләт Советының җиденче утырышы уза. Анда кырыктан артык мәсьәләне карау көтелә.

Аерым алганда, икенче укылышта Татарстан Республикасының 2010 елга бюджет проектын кабул итү көтелә. Республика бюджеты белән бәйле закон проектына карата парламент комитетларыннан һәм депутатлардан, ТР Хөкүмәтеннән һәм закон инициативасы хокукы булган субъектлардан йөздән артык төзәтмә керде. Төзәтмәләр Дәүләт Советының Бюджет, салымнар һәм финанслар комитеты утырышында каралып, аларның утыздан артыгын кабул итәргә тәкъдим ителде. Алар нигездә «Социаль сәясәт», «Мәгариф», «Милли куркынычсызлык һәм хокук саклау органнары» бүлекләре статьяларына каралган финанслауны арттыруны күздә тота.

Депутатлар икенче укылышта “Төнлә гражданнарның тынычлыгын һәм тынлыкны саклау турында”, “Татарстан Республикасында кече һәм урта эшкуарлыкны үстерү турныда” закон проектларын кабул итәчәк.

Утырышта шулай ук сайлаулар белән бәйле законнарга кертергә тәкъдим ителә торган үзгәрешләрне карарга, ТР Иҗтимагый палатасының яңа составына кандидатураларны расларга, ТР Дәүләт Советының закон проектлары белән эшләү планы һәм башка илләр, РФ субъектлары парламентлары белән хезмәттәшлек итү турында фикер алышырга кирәк булачак. Бу хакта Татарстан парламентының матбугат хезмәте хәбәр итә.

news_right_column_1_240_400
news_right_column_2_240_400
news_bot_970_100