Сәясәт 5 ноябрь 2009 10:08

Бүген дүртенче чакырылыш ТР Дәүләт Советының алтынчы утырышы уза

Көн тәртибенә чыгарылган төп мәсьәлә Татарстан Республикасының 2010 елга бюджет проекты белән бәйле

Скопировать ссылку

(Казан, 5 ноябрь, “Татар-информ”). Бүген дүртенче чакырылыш ТР Дәүләт Советының алтынчы утырышы уза. Көн тәртибенә чыгарылган төп мәсьәлә Татарстан Республикасының 2010 елга бюджет проекты белән бәйле. Шулай ук депутатлар игътибарына киләсе елга ТР Мәҗбүри медицина иминияте фонды бюджетына кагылышлы закон проекты тәкъдим ителә.

Көн тәртибенә куелган 34 мәсьәлә арасында беренче укылышка "Татарстан Республикасының гомуми белем бирү учреждениеләрендә һәркем өчен мөмкин булган һәм түләүсез мәктәпкәчә, башлангыч гомуми, төп гомуми, урта (тулы) гомуми белем, шулай ук өстәмә белем алуга гражданнарның хокукларына дәүләт гарантияләрен тәэмин итүгә 2010 елга финанс чыгымнары нормативларын раслау турында", “Татарстан республикасы Дәүләт Советы депутаты статусы турында” ТР Законына үзгәрешләр кертү турында”, “ТР Дәүләт Советы комитетлары турында” ТР Законының 5 статьясына үзгәрешләр кертү турында”, “Татарстан Республикасында хезмәтне саклау турында” ТР Законының үзгәрешләр кертү турында”, “Вөҗдан иреге һәм дини берләшмәләр турында” ТР Законына үзгәрешләр кертү турында” закон проектлары бар.

Шулай ук депутатлар федераль закон проектларына карата да үз фикерен белдерәчәк.

Сәхифәләр

Бүген дүртенче чакырылыш ТР Дәүләт Советының алтынчы утырышы уза