Җәмгыять 20 октябрь 2006 11:11

Бүген Бөтендөнья остеопорозга каршы көрәш көне

Скопировать ссылку

(Казан, 20 октябрь, “Татар-информ”). Бүген бөтен дөнья остеопорозга каршы көрәш көнен билгеләп үтә. Бу авыру инвалидлык һәм үлем сәбәпләре буенча барлык чирләр арасында йөрәк-кан тамыры авырулары, онкология һәм шикәр авыруыннан кала 4нче урында тора.

Остеопороз белән авырганда сөякләр зәгыйфь була, ә бу исә еш һәм катлаулы сынуларга китереп чыгара. Әлеге чирдән, нигездә, өлкән яшьтәгеләр җәфа чигә. Авыруның сәбәбе – кальций җитмәүдә. Гадәттә ул аз хәрәкәт иткән, кофе һәм тәмәкене артык кулланган кешеләрдә күзәтелә. Шул ук вакытта авыруны кисәтү кыен түгел – организмны кальций белән тәэмин итәргә кирәк. Дөрес, моны алдан, кисәтү чарасы буларак эшләргә кирәк.

Сәхифәләр

Бүген Бөтендөнья остеопорозга каршы көрәш көне