news_header_top_970_100
Руc Тат
16+
news_header_bot_970_100
Фән һәм мәгариф 10 ноябрь 2014 10:23

Бүген Бөтендөнья фән көне

Бөтендөнья фән көнен үткәрү 1999 елда тәкъдим ителгән булган

Скопировать ссылку

 (Казан, 10 ноябрь, «Татар-информ»). Ел саен 10 ноябрьдә, бөтен дөньяда фәннең файдасын арттыру максатында, Бөтендөнья фән көне билгеләп үтелә. Бу көн ял көне дип игълан ителмәсә дә, барлык илләрдә Бөтендөнья фән көне белән бәйле чаралар уздырыла.

Бу көнне үткәрү 1999 елда Будапештта узган Бөтендөнья фәнни конференция вакытында тәкъдим ителгән, анда фән белән җәмгыять арасында тыгызрак элемтә булдыру кирәклеге әйтелгән. 1999 елгы конференция тәкъдимен истә тотып, ЮНЕСКО  Бөтендөнья фән көнен рәсми рәвештә гамәлгә куйган һәм аны 2001 елда узган гомуми конференциядә игълан иткән. Бу көн глобаль күләмдә 2002 елның 10 ноябрендә билгеләп үтелгән һәм шунан бирле бөтен дөньяда бәйрәм ителә. ЮНЕСКО ел саен Бөтендөнья фән көненең әһәмияте турындагы белемнәрне тарату буенча хөкүмәт оешмалары, фәнни һәм белем бирү коллективлары белән зур эшләр башкара.

Искәртеп узабыз: Россия фәне көне ел саен 8 февраальдә - Петр I Россия Фәннәр һәм сәнгать академиясен оештыру турындагы Указны имзалаган көндә билгеләп үтелә.

Calend.ru материаллары буенча.              

autoscroll_news_right_240_400_1
autoscroll_news_right_240_400_2
news_bot_970_100