Спорт 24 июль 2017 20:48

Бөгелмә йөзүчесе дөнья чемпионатында медаль өчен көч сынаша

Александр Красных 200 метр арага ирекле йөзүдә финалга чыкты.

Скопировать ссылку

(Казан, 24 июль, "Татар-информ", Фәрит Салихов). Россия йөзүчеләре Александр Красных белән Михаил Довгалюк Будапештта уза торган Су спорты төрләре буенча дөнья чемпионатында 200 метр арага ирекле йөзүдә финалда катнашу хокукын яулады.

Кичә, 400 метр арага йөзүдә уңышсыз чыгыш ясаган – ярымфиналга уза алмаган Бөгелмә спортчысы, 22 яшьлек Александр Красных бүген финалга бишенче күрсәткеч белән чыкты. Аның күрсәткече – 1 минут 45,47 секунд.Михаил Довгалюк әлеге араны 1 минут 45,74 секунд эчендә узып, алтынчы күрсәткечкә иреште. Иң яхшы күрсәткеч Бөекбритания спортчысы Данкан Скотт исәбендә – 1 минут 45,16 секунд.

Исегезгә төшерәбез, бүген Татарстанның тагын бер йөзүчесе Григорий Тарасевич дөнья чемпионатының финалына узды.

Чемпионат 30 июльдә төгәлләнә.

#Татарстан йөзүчеләре #Александр Красных

Сәхифәләр

Бөгелмә йөзүчесе дөнья чемпионатында медаль өчен көч сынаша