Бөгелмә шәһәре һәм районы мөхтәсибәте имамнарына таныклык тапшырдылар
Дин әһелләре җитәкчеләргә үзләрен кызыксындырган сораулар бирде, үзләренең гозерләрен һәм теләкләрен җиткерде.
(Казан, 6 июль, "Татар-информ"). Бөгелмә шәһәре һәм Бөгелмә районы мөхтәсибәте имамнарына таныклык тапшырдылар. Бу турыда Бөгелмә муниципаль районы сайтында хәбәр ителә.
Татарстан мөселманнары Диния Нәзарәте мөфти Камил хәзрәт Сәмигуллин исеменнән имамнарга сәламләү сүзе белән Равил хәзрәт мөрәҗәгать итеп, егерме имамга дини эшчәнлек алып бару хокукы өчен төп документ булган таныклык (шәһадәтнамә) тапшырды.
Моннан тыш, дин әһелләре җитәкчеләргә үзләрен кызыксындырган сораулар бирде, үзләренең гозерләрен һәм теләкләрен җиткерде.
Җыелыш ахырында Бөгелмә шәһәре һәм Бөгелмә районы имам-мөхтәсибе Рамил хәзрәт Хөснетдинов имамнарга рәхмәт белдерде һәм киләчәктә дә нәтиҗәле эш алып баруларын теләде. Чара Коръән һәм дога уку белән тәмамланды.