Хәвеф-хәтәр 28 июль 2018 15:22

Бөгелмә районында бер көндә ике ир-ат батып үлгән

Ике ир-ат та исерек булган.

Скопировать ссылку

(Казан, 28 июль, “Татар-информ”). Республиканың Бөгелмә районында ике ир-ат суда батып үлгән. Бу хакта “Татар-информ”га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

Бөгелмә шәһәре буасында ир-ат батуы турындагы хәбәр ашыгыч хезмәтнең 112 бердәм номерына кичә 15.44 сәгатьтә килгән.

Водолазлар ярдан 15 метр ераклыкта 32 яшьлек ир-атның мәетен чыгарганнар һәм полиция хезмәткәрләренә тапшырганнар.

Өч сәгатьтән соң Бөгелмәнең ташландык буасында 53 яшьлек ир-атның мәете табылган. Ул ярга берничә метр кала батып үлгән.

#суга бату #һәлакәт

Сәхифәләр

Бөгелмә районында бер көндә ике ир-ат батып үлгән