Бөгелмә районында автобус белән бәрелешү һәлакәтендә өч кеше зыян күргән
Юл-транспорт һәлакәте Казан – Оренбург трассасының 298нче километрында булган.
Скопировать ссылку
(Казан, 14 гыйнвар, “Татар-информ”). Татарстанда Бөгелмә районында автобус һәм җиңел машина бәрелешеп, өч кеше зыян күргән. Бу хакта Россия Эчке эшләр министрлыгының Татарстан Республикасы буенча матбугат хезмәте хәбәр итә.
Ачыкланганча, ун пассажиры булган “Уфа – Казан” рейс автобусы каршы як полосага чыгып, “Джили” җиңел машинасына килеп бәрелгән. Җиңел машинаның йөртүчесе һәм ике пассажиры зыян күргән.
Юл-транспорт һәлакәтенең сәбәбе - автобус тормозы ватылу.
