Җәмгыять 20 декабрь 2004 14:17

Бөгелмәнең сугыш ветераннары Аурупа буенча сәяхәткә китте

Скопировать ссылку

(Казан, 20 декабрь, "Татар-информ", Владимир Изергин). 19 декабрьдә Бөгелмәдә яшәүче Бөек Ватан сугышында катнашкан сигез ветеран Аурупа буенча сәяхәткә китте. Аларның сәяхәтләрен шәһәр һәм район предприятиеләре, оешмалары һәм учреждениеләре акча салган җирле "Җиңү" фонды финанслаган.

Элеккеге хәрби хәрәкәтләрдә катнашучылар дөнья сугышы тарихында канлы вакыйгалары белән истә калган Германия, Франция, Бельгия һәм Польшага барачак. Ветераннарга бигрәк тә Берлинга бару кызыклы булачак, чөнки аларның икесе - А.Краснов һәм К.Родионов "Берлинны алган өчен" медале белән бүләкләнгән. Фронтчылар делегациясенә орден һәм медальләр белән бүләкләнгән Х.Шафиков, Р.Дәминов, Бөек Ватан сугышының икенче дәрәҗәдәге орден кавалеры һәм хәрби батырлыклары өчен бүләкләнгән А.Винокуров, Г.Ибраһимов, Л.Карташов, А.Галләмов та кергән.

Сүз уңаенда, узган елдагы кебек 50 сугыш ветераны һәм тыл хезмәтчәннәре шәһәр бюджеты хисабына Кара диңгездәге шифаханәдә һәм шул кадәр үк кеше өлкәннәр өчен көндез тору бүлеге һәм реабилитация үзәгендә сәламәтлекләрен ныгытты.

Яңа ел алдыннан Бөгелмәдә яшәүче барлык ветераннар традиция буенча шәһәр хакимиятенең бәйрәм күчтәнәчләрен алачак.

Сәхифәләр

Бөгелмәнең сугыш ветераннары Аурупа буенча сәяхәткә китте