news_header_top_970_100
news_header_bot_970_100

Бөгелмәдә укытучының профессиональ компетентлыгын формалаштыру турында фикерләшәләр

Әлеге җыен булачак педагогларның профессиональ компетентлыгын формалаштыру өчен шартлар тудыру, педагогик уку йортларын тәмамлаучыларның конкурентлыкка сәләтлелеген арттыру максатын куя

(Казан, 27 октябрь, “Татар-информ”). Иртәгә – 28 октябрьдә республиканың Бөгелмә педагогика колледжы базасында “Урта һөнәри белем бирүнең федераль дәүләт стандартларын тормышка ашыру шартларында, студентларның парктика системасы аша, хәзерге заман укытучысының профессиональ компетентлыгын формалаштыру” дигән темага семинар-практикум уза. Анда урта һөнәри белем бирүче педагогик уку йортлары җитәкчеләре, педагоглар, студентлар катнаша.

ТР Мәгариф һәм фән министрлыгы матбугат хезмәте хәбәр иткәнчә, әлеге җыен булачак педагогларның профессиональ компетентлыгын формалаштыру өчен шартлар тудыру, педагогик уку йортларын тәмамлаучыларның конкурентлыкка сәләтлелеген арттыру максатын куя.

Семинар вакытында ачык дәресләр, мастер-класслар, иҗади педагогик остаханәләр, “Булачак педагогларның профессиональ компетентлыгын формалаштыруның психологик-педагогик шартлары” дигән темага “түгәрәк өстәл” утырышы уза.

news_right_column_1_240_400
news_right_column_2_240_400
news_bot_970_100