Бөгелмәдә "КАМАЗ" машинасы янган
Урынга 64 нче янгын-коткару часте хезмәткәрләре чакыртылган.
Скопировать ссылку
(Казан, 28 октябрь, "Татар-информ"). Бөгелмә районында Ленин урамында “КАМАЗ” машинасы кабинасы янган. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтеннән хәбәр иттеләр.
Ашыгыч хезмәтләрне чакырту 112 бердәм телефон номерына янгын турында хәбәр бүген 6 сәгать 4 минутта килеп ирешкән. Урынга 64 нче янгын-коткару часте хезмәткәрләре чыккан. Алар 11 минуттан урында булып, җиде минуттан утны сүндергән.
Янгынның сәбәбе – йөк машинасы системасы, механизмнары һәм узелы төзек булмау.
