Җәмгыять 16 декабрь 2009 15:07

Бөек Ватан сугышы ветераннары торак шартларын яхшырта ала

Бу максатка алар кайчан исәпкә басуга карамастан ирешәчәк

Скопировать ссылку

(Казан, 16 декабрь, «Татар-информ», Лилия Маркелова). Татарстанда Бөек Ватан сугышының 1267 ветераны торак шартларын яхшыртты. 710 кеше бу максатка социаль ипотека кысаларында иреште. Ел башыннан алып сугышта катнашучыларга субсидия бирү өчен 1 миллиард сумнан артык акча юнәлдерелде.
Бу хакта бүген ТР Дәүләт Советының икътисад, инвестиция һәм эшмәкәрлек буенча комитеты һәм “Россия гражданнарына арзан һәм уңайлы торак” өстенле илкүләм проектын гамәлгә ашыруны контрольдә тоту комиссиясенең уртак утырышында ТР хезмәт, мәшгульлек һәм социаль яклау министры урынбасары Наталья Бутаева белдерде. Аның сүзләренчә, хәзер субсидияләр алу реестрында 244 ветеран тора (алар 2005 елның 1 мартына кадәр исәпкә басучылар). Аларның 220 се торак шартларын ничек яхшыртырга кирәклеген сайлаган инде.

Сәхифәләр

Бөек Ватан сугышы ветераннары торак шартларын яхшырта ала