Икътисад 7 май 2018 16:40

Бөек Ватан сугышы ветераннары Җиңү көненә унар мең сум акча алачак

Җиңүнең 73 еллыгы уңаеннан бер тапкыр бирелә торган акчаны 100 меңнән артык кеше алачак.

Скопировать ссылку

(Казан, 7 май, “Татар-информ”). Бөек Ватан сугышы ветераннары Җиңү көненә унар мең сум акча алачак. Бу хакта ТАСС Россия Хезмәт һәм социаль яклау министрлыгы матбугат хезмәтенә сылтама белән җиткерә.

“Бер тапкыр бирелә торган 10 мең сум акчаны Бөек Ватан сугышы инвалидлары, Россия Федерациясе гражданнары булган һәм даими рәвештә Россия Федерациясендә, Латвия Республикасында, Литва Республикасында һәм Эстония Республикасында яшәүче Бөек Ватан сугышында катнашучылар алачак”, - диелгән матбугат хезмәте хәбәрендә.

Түләүләр турындагы тиешле указны Россия Президенты Владимир Путин 6 майда имзалаган.

#9 май #Җиңү #Бөек Ватан сугышы ветераннары

Сәхифәләр

Бөек Ватан сугышы ветераннары Җиңү көненә унар мең сум акча алачак