«Бөек Җиңү» Бөтендөнья мәктәп олимпиадасында теркәлү дәвам итә
Бәйгедә 10 яшьтән 16 яшькә кадәрге мәктәп укучылары катнаша ала.
Скопировать ссылку
(Казан, 29 февраль, «Татар-информ»). Россия мәктәп укучылары һәм башка илләрдәге балалар Россия Федерациясе Мәгариф министрлыгы ярдәмендә үткәрелә торган «Бөек Җиңү» Бөтендөнья мәктәп олимпиадасында катнаша ала. Бу турыда Татарстан Мәгариф һәм фән министрлыгы матбугат хезмәте хәбәр итте.
Олимпиаданың максаты — яшьләрнең игътибарын 1941-1945 еллардагы тарихи вакыйгаларга җәлеп итү. Катнашу өчен бөтен дөньядан 10 яшьтән 16 яшькә кадәрге мәктәп укучылары чакырыла.
Беренче онлайн-тур 7 мартта тәмамлана, анда проект сайтында теркәлгән барлык мәктәп укучылары үз белемнәрен тикшерә алачак.