Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Азнакайның Тымытык авылы мәктәбе тракторлы булган
Тракторны мәктәпкә Ардинат Нугайбеков алып биргән.
(Казан, 15 октябрь, "Татар-информ"). Тымытык авылында туып-үсеп, шушы авыл мәктәбен тәмамлаган, хәзерге вакытта «Татнефть» берләшмәсенең генераль директоры киңәшчесе булып эшләгән Ардинат Нугайбеков авыл мәктәбенә арбасы белән "ЮМЗ" тракторы алып биргән, дип яза районның "Маяк" газетасы.
Ардинат Гали улы туган авылы тормышы белән hәрвакыт кызыксынды, ярдәм итәргә тырышкан. Тымытык авылында мәчет салуда башлап йөргән. Аннан мәдәният йортын капиталь төзекләндерүгә, заман таләпләренә туры килә торган яңа мәктәп төзүдә бик зур өлешен керткән. Тракторны ул балалар авыл хуҗалыгы хезмәтенә өйрәнеп үссеннәр, алган белемнәрен тормышта куллана белсеннәр өчен алып биргән. Хәзерге вакытта авылның башкорт-типтәр ягы дип йөртелә торган өлешендәге зиратны тәртипкә китерүдә ярдәм итә. Авыл халкы аның бу изге эшләре өчен бик рәхмәтле, диелгән язмада.
Кызыклы яңалыкларны күзәтеп бару өчен Телеграм-каналга язылыгыз