Җәмгыять 3 апрель 2018 23:00

Азнакайның сәүдә-күңел ачу үзәкләрендә янгынга каршы әзерлек тикшерелде

Рейд барышында хәбәр бирү системаларына, запас эвакуация юлларына, персоналның гадәттән тыш хәлләргә эзерлегенә игътибар бирелде.

Скопировать ссылку

(Азнакай, 3 апрель, “Татар-информ”, “Маяк”, Резеда Шәрипова). Азнакай муниципаль районы башлыгы Марсель Шәйдуллин янгын күзәтчелеге һәм хокук саклау һәм органнары вәкилләре белән берлектә шәһәрдәге "Восток", "Москва", "Созвездие", "Шифа" сәүдә һәм күңел ачу үзәкләрендә янгынга каршы әзерлек белән танышты, дип хәбәр итә район газетасы.

Янгын күзәтчелеге һәм профилактика эшчәнлеге буенча бүлекчә Кемеровода булган фаҗигадән соң бу нокталарда инде тикшерү үткәреп, булган кимчелекләрне ачыклаган һәм аларны төзәтү өчен бер атна вакыт билгеләнгән.

Марсель Шәйдуллин сәүдә һәм күңел ачу үзәге җитәкчеләренә халыкның иминлеген тәэмин итү, һәр хезмәткәр белән янгын куркынычсызлыгы буенча инструктаж үткәрү бурычын куйды, диелә район хәбәрендә.

#Азнакай #Маяк

Сәхифәләр

Азнакайның сәүдә-күңел ачу үзәкләрендә янгынга каршы әзерлек тикшерелде