Азнакайда волейбол ярышларында Үчәлле авылы командасы кубокка ия булды
6 нчы урта мәктәбендә спортчы Газинур Гәрәев истәлегенә багышланган волейбол ярышлары узды.
(Азнакай, 18 гыйнвар, "Татар-информ", "Маяк", Резеда Шәрипова). Азнакай шәһәренең 6 нчы урта мәктәбендә спортчы Газинур Гәрәев истәлегенә багышланган волейбол ярышлары узды. Үчәлле авылы командасы кубокка ия булды. Бу турыда район басмасы хәбәр итә.
Көне буе барган кискен ярышта өченче урынны спорт ветераннары командасы, икенче урынны “Жилсервис” идарәче компаниясе командасы яулады.
Бу ярышны оештыруда ярдәм иткән Туйкә авылы яшьләре оешмасы житәкчесе Рәйсә Радиковнага һәм Туйкә авылы егетләренә, мәгариф идарәсе җитәкчесе Альберт Магалимовичка, 6 мәктәп директоры Алиса Расиховнага, “Жилсервис” җитәкчесе Руслан Маратовичка, ярышны ачып җибәрүдә катнашкан Таһир Сагировичка, Газинур Гәраевне хөрмәт итеп килгән һәрбер кешегә тормыш иптәше Сәрия, балалары, туганнары чиксез рәхмәтләрен белдерәләр.