Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Азнакайда транспорт һәм юл хуҗалыгы министры юлларның торышы белән танышты
1 сәгатенә 100гә якын машина үтүче күперне һәм аңа илтүче 1 чакрым 560 метр аралыктагы юлга капиталь ремонт эшләре башкару өчен 106 млн сум акча кирәк
(Азнакай, 17 май, “Татар-информ”, “Маяк”, Лиза Нурлыева). Кичә Азнакай районына эш визиты белән Татарстан транспорт һәм юл хуҗалыгы министры Ленар Сафин килде. Министрны район башлыгы Марсель Шәйдуллин җитәкчелегендәге делегация озата йөрде, дип яза районның “Маяк” газетасы.
Башкала кунагы Тымытык-Сарлы-Сөендек-Югары Стәрле-Победа, Урманай-Әсәй-Митрәй- Карамалы юнәлешендәге юлларның торышы белән танышты.
Аларда бүгенге көндә ремонт эшләре бара. Югары Стәрле-Победа авыллары тирәсендә асфальт катламы кырдырып алынган, яңасын түшәргә әзерлиләр. Сарлы авылында да эш тулы куәтенә гөрли. Министр Башкорстан һәм Татарстан республикаларын тоташтыручы күпернең торышы, аңа илтә торган юлның төзеклеген дә карады. “Татнефтедор” җәмгыятенең Азнакай автомобиль юллары идарәсе җитәкче Равиль Гинатуллин башкарасы эшләр һәм аларга таләп ителгән финанс хакында сөйләде. 1 сәгатенә 100 гә якын машина үтүче күперне һәм аңа илтүче 1 чакрым 560 метр аралыктагы юлга капиталь ремонт эшләре башкару өчен 106 миллион сум акча кирәк. Шул исәптән кайбер урыннарда юлны, күперне күтәртү дә сорала.
–Бу эшләрне ике республика бердәм тотынып, финанс чыгымнарны бергә күтәргәндә генә башкарып чыгып булачак, – диде министр.
Ул Азнакайга визитына йомгак ясап, районда юлларның торышыннан канәгать булуын җиткерде, юл төзү оешмаларының эшчәнлеген уңай бәяләде, диелә район хәбәрендә.
“
Кызыклы яңалыкларны күзәтеп бару өчен Телеграм-каналга язылыгыз