Җәмгыять 1 март 2018 02:00

Азнакайда Монополиягә каршы федераль хезмәт вәкилләре ачык дәрестә дә катнаштылар

Рузалин Хәбибуллин җирлектә сәнәгать мәйданчыгында булып, биредә үз эшләрен ачучыларга тудырылган шартлар белән танышты.

Скопировать ссылку

(Азнакай, 1 март, “Татар-информ”, “Маяк”, Лиза Нурлыева). Россия Монополиягә каршы федераль хезмәтенең Татарстандагы идарәсе республика районнарында җәмәгатьчелекне кабул итү үткәрә. Шундый очрашуларның берсе кичә Азнакай районында да үтте, дип яза район газетасы.

Республика монополиягә каршы федераль хезмәт идарәсе башлыгы вазифаларын вакытлыча башкаручы Рузалин Хәбибуллин район җитәкчеләре белән очрашты, азнакайлыларны кабул итеп, аларның монополиягә каршы хезмәт контролендә булган сорауларына җаваплар бирде.

Ул шулай ук җирлектә сәнәгать мәйданчыгында булып, биредә үз эшләрен ачучыларга тудырылган шартлар белән танышты.

Районга эшлекле визит ясаган идарә белгечләре шәһәрнең 4 нче гомумбелем бирү мәктәбендә “Конкурентлыкны яклау” темасына үткәрелгән ачык дәрестә дә катнаштылар. Анда үзләренең эшчәнлеге белән таныштырдылар, булачак эшмәкәрләргә үз эшеңне үстерү өчен гадел һәм сәламәт көндәшлек кирәк булуын аңлаттылар, диелә район хәбәрендә.

#Азнакай #Маяк

Сәхифәләр

Азнакайда Монополиягә каршы федераль хезмәт вәкилләре ачык дәрестә дә катнаштылар