Җәмгыять 20 февраль 2018 01:00

Азнакайда Май чабу бәйрәме күңелле узды

Азнакайлыларны бәйрәм белән муниципаль район башлыгы Марсель Шәйдуллин тәбрикләп, изге теләкләрен җиткерде.

Скопировать ссылку

(Азнакай, 20 февраль, “Татар-информ”, “Маяк”, Резеда Шәрипова). Азнакай шәһәренең Мәдәният йорты каршындагы мәйданда славяннарның борынгы йоласы – Май чабу (Масленица) узды, дип хәбәр итә район газетасы.

Кышны озату, язны каршылау бәйрәме уеннарга, җырга, биюләргә бай булды. Чараның үзәгендә “Калинушка” ансамбле торды. Аларның озын чуклы аллы-гөлле шәлләреннән күзләр камашырлык иде. Мәйданга халык шактый җыелды. Олысы да, кечесе дә “Калинушка”га кушылып рәхәтләнеп биеде, кулга-кул тотынып, әйлән-бәйлән әйләнде. Алып баручылар бәйрәмне элек ничек үткәрүләре, аның йолалары белән дә таныштырдылар.

Бер кырыйда төтеннәрен чыгарып, самоварлар кайнады, табада чыж-чыж майлы коймаклар пеште. Шулай ук ярминкә оештырылган иде. Хуҗалыклар үзләрендә җитештерелгән итен, сөтен, балын сатып куандырдылар.

– Җирлегебездә бәйрәмнәр бик күп уза. Аларда бөтен халык бергәләп күңел ача. Борынгы гореф-гадәтләрне буыннан-буынга тапшыручы күпме фольклор ансамбльләре эшли. Алга таба да шулай тынычлыкта, килешеп, тату яшәргә язсын, – диде ул.

#Азнакай #Маяк

Сәхифәләр

Азнакайда Май чабу бәйрәме күңелле узды