Фән һәм мәгариф 21 февраль 2018 07:00

Азнакайда JuniorSkils төбәк чемпионаты уза

Район данын 4 нче лицейның Рөстәм Сәитов җитәкчелегендәге түгәрәк укучылары (3 команда) яклый.

Скопировать ссылку

(Азнакай, 21 февраль, “Татар-информ”, “Маяк”, Резеда Шәрипова). Азнакайның 4 нче лицеенда “Прототиплаштыру” компетенциясе буенча JuniorSkils төбәк чемпионаты башланды. Ул 22 февральгә кадәр барачак, дип хәбәр итә район газетасы.

Чемпионатта Азнакай, Бөгелмә, Чүпрәле, Чаллы шәһәрләреннән 10+ һәм 14+ яшь категорияләре буенча 7 команда катнаша. Район данын 4 нче лицейның Рөстәм Сәитов җитәкчелегендәге түгәрәк укучылары (3 команда) яклый.

Ярышта катнашучыларны шәһәр башкарма комитеты җитәкчесе Марат Солтанов сәламләде һәм уңышлар, алган күнекмәләренең киләчәктә файдасын күрүләрен теләде.
Лицей прототиплаштыру буенча база мәйданчыгы булып тора.

– Сез инде республикада иң яхшылар. Бу ярышта җиңүчеләр Россия чемпионатында катнашачак, – диде комиссиянең баш эксперты Рөстәм Сәитов.

Алсу Кучумова җитәкчелегендә 1 нче мәктәп командасы да Казанда 20-22 февральдә узучы “Челтәрле һәм системалы администрацияләү” компетенцияләре буенча төбәк ярышларында көчләрен сыныйлар, диелә район хәбәрендә.

#Азнакай #Маяк

Сәхифәләр

Азнакайда JuniorSkils төбәк чемпионаты уза