Дин 18 февраль 2018 03:00

Азнакайда имамнарга шәһадәтнамә тапшырылды

Район мәчетләрендә теләге булган һәркемгә дин сабагы дәресләре алу өчен шартлар тудырылган.

Скопировать ссылку

(Азнакай, 18 февраль, “Татар-информ”, “Маяк”, Лиза Нурлыева). Татарстан Диния назәрәте авыллардагы һәр имам үз белемен күтәрү өстендә эшләргә тиеш, дигән бурыч куя. Узган атнада Ак мәчеттә районның 39 имамына вазифасын биләп тору хокукын бирүче шәһадәтнамәләр тапшырдылар. Бу чарада Татарстан Диния назәрәте мөфтие урынбасары Рөстәм хәзрәт Вәлиуллин, район башлыгы Марсель Шәйдуллин да катнаштылар, дип яза район газетасы.

Мәчетләрдә намазлар һәм җомга намазы үткәрү, вәгазьләр сөйләү, исем кушу, никах уку, җеназа үткәрү һәм башка дини йолаларны башкаруга хокук биргән шәһадәтнамәгә ия имамнар алдына җитди бурычлар да куелды.

"Халык дин мәсьәләләрендә иң элек сезгә таяна, сездән ярдәм сорап килә. Дини тәрбия, бигрәк тә яшьләргә ата-бабаларыбыздан килгән әхлак, иман тәрбиясе бирүдә сезгә зур өметләр баглыйбыз. Бу юнәлештә алга таба да шулай бергәләп, максатларны уртак итеп эшләргә язсын",– диде район башлыгы Марсель Шәйдуллин.

Район мәчетләрендә теләге булган һәркемгә дин сабагы дәресләре алу өчен шартлар тудырылган, диелә район хәбәрендә.

#Азнакай #Маяк

Сәхифәләр

Азнакайда имамнарга шәһадәтнамә тапшырылды