Азнакайда иҗтимагый тәрбиячеләр бәйгесенең зона турында җиңүче ачыкланды
Азнакай районы данын Актүбә бистәсе башкарма комитеты җитәкчесе Илһам Мөхәммәтҗанов яклады һәм беренче урынга лаек булды.
(Азнакай, 27 сентябрь, "Татар-информ", "Маяк"). 26 сентябрьдә Азнакай шәһәренең Балалар иҗаты үзәгендә “Татарстанның иң яхшы иҗтимагый тәрбиячесе-2019” республика бәйгесенең зона турында җиңүче ачыкланды. Бу турыда район басмасы хәбәр итә.
Анда Азнакай, Әлмәт, Бөгелмә, Баулы, Лениногорск, Мөслим, Сарман һәм Ютазы районнарыннан муниципаль этапта җиңү яулаган иҗтимагый тәрбиячеләр катнашты.
Алар визит карточкаларын, үз канатлары астындагы балигъ булмаганнар белән эшләү алымнарын яктырттылар һәм сорауларга җавап бирде.
Азнакай районы данын Актүбә бистәсе башкарма комитеты җитәкчесе Илһам Мөхәммәтҗанов яклады һәм беренче урынга лаек булды.
Конкурсантларның һөнәри тәҗрибәсен һәм осталыгын Татарстан юстиция министры урынбасары Мөхәррәм Ибәтов рәислегендә мәртәбәле жюри бәяләде.