Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Азнакайда ДОСААФ өй туен үткәрде һәм үз лагерын ачты
Лагерь 14 яшьтән 17 яшькәчә булган 100 яшүсмергә исәпләнгән.
![Азнакайда ДОСААФ өй туен үткәрде һәм үз лагерын ачты](https://tatar-inform.tatar/resize/shd/images/uploads/news/2019/8/2/691eda146e77ef4083e0c452bd7123aef33cc47cd199ee6fa8eb582e8af1.jpg)
(Азнакай, 2 август, "Татар-информ", "Маяк", Лиза Нурлыева). Азнакайда бүген берьюлы ике тантана: ДОСААФ өй туе үткәрде, “Родина” лагеры ачылды. Бу турыда район басмасы хәбәр итә.
ДОСААФ Азнакай җирле оешмасының яңа бинасын ачу тантанасында аның Татарстан идарәсе рәисе Дамир Динниулов җитәкчелегендәге вәкилләр төркеме дә катнашты.
Азнакай районында ДОСААФ 1964 елның 4 мартында оешкан. Шушы дәвер эчендә массалы һәм техник һөнәрләр буенча 17 меңләп белгеч әзерләнгән. Аларның 80 проценттан артыгы юл йөрү кагыйдәләре имтиханнарын беренче тапкырдан ук уңышлы тапшыра. Бу коллективта төпле белемле, үз эшенең осталары туплануын күрсәтә.
Бина ачу тантанасыннан соң кунаклар аның бүлмәләрен һәм җиһазларын карап чыкты. Биредә укыту-өйрәнүләрне югары дәрәҗәдә итү өчен барлык шартлар-мөмкинлекләр тудырылган.
Аннары барысы да ДОСААФның “Родина” хәрби-патриотик палаткалы лагеры урнашкан шәһәрнең “Парус” спорт-туристик базасына юл тотты. Лагерь 14 яшьтән 17 яшькәчә булган 100 яшүсмергә исәпләнгән. Анда Бөгелмә, Баулы, Лениногорск кебек күрше-тирә шәһәрләрдән дә балалар ял итәргә килә.
Җәй дәвамында 2 смена эшли. Яшәү шартлары хәрбиләрнекенә якын: палаткаларда йоклыйлар, һәр иртә күнегүләрдән башлана, сафларда йөрү, хәрби корал җыеп-сүтәргә өйрәнү һәм башка күнегү-чыныгулар көн буена дәвам итә. Әлбәттә, кичләрен учак янына җыелып, җырлап ял итәләр.
Кызыклы яңалыкларны күзәтеп бару өчен Телеграм-каналга язылыгыз