Азнакайда Билгесез солдат көнен билгеләп үткәннәр
Чара барышында, Калуга янында хәбәрсез югалган якташларының медальоны музейга тапшырылган.
Скопировать ссылку
(Казан, 7 декабрь,"Татар-информ", "Маяк", Резеда Шәрипова). Азнакайда Билгесез солдат көне уңаеннан, патриотик чара оештырылды. Бу хакта җирле "Маяк" газетасы хәбәр итә.
Әлеге чарада район башлыгы урынбасары Наҗәт Нәгыймов, шәһәр һәм район хәрби комиссары Рәдиф Камалеев катнашты, дип яза район басмасы.
Калуга янындагы каты бәрелешләрдә һәлак булып, хәбәрсез югалганнар исемлегендә йөргән якташыбыз Кәшфи Рәкыйповның туганы Рузалия Мириханова аның эзтабарлар тапкан каскасы белән медальонын музейга бүләк итте.
Аннан чарда катнашучылар Җиңү паркындагы Билгесез солдат һәйкәленә чәчәкләр салды.
