Җәмгыять 29 ноябрь 2017 07:00

Азнакайда белгечләр социаль имин булмаган гаиләләр белән эшләү тәҗрибәләрен уртаклаштылар

«Өмет» үзәгенең гаиләгә һәм балаларга социаль ярдәм күрсәтү бүлегендә 23 гаилә исәптә тора.

Скопировать ссылку

(Азнакай, 29 ноябрь, “Татар-информ”, “Маяк”, Резеда Шәрипова). Бүген Азнакайда ун районның гаиләгә һәм балаларга социаль ярдәм күрсәтү бүлекчәләре белгечләре эш тәҗрибәләре белән уртаклашырга җыелды, дип яза җирле басма.

Супервизия (белгечләрнең теоретик һәм практик квалификациясен күтәрү) шәһәребезнең Мәдәни үзәгендә узды. Анда катнашучыларны район башкарма комитеты җитәкчесенең социаль мәсьәләләр буенча урынбасары Дамир Гыйләҗев сәламләде. Ул социаль яклауга мохтаҗ гаиләләр белән районда башкарыла торган эшләрне яктыртты.
«Өмет» үзәгенең гаиләгә һәм балаларга социаль ярдәм күрсәтү бүлегендә 23 гаилә исәптә тора. Аларның һәрберсе белән белгечләр аерым программа нигезендә шөгыльләнәләр. Районда хәйриячелек, иҗтимагый тәрбияче эшчәнлеге киң җәелгән.

Түгәрәк өстәл артында белгечләр бу өлкәдәге проблемалар хакында фикер алыштылар, районнарда социаль ярдәмне чагылдырган видеороликлар карадылар.

Зона супервизоры Ирина Грузинцева чараны оештыруда ярдәмнәре өчен азнакайлыларга рәхмәтен җиткерде.

#Азнакай #Маяк

Сәхифәләр

Азнакайда белгечләр социаль имин булмаган гаиләләр белән эшләү тәҗрибәләрен уртаклаштылар