Фән һәм мәгариф 18 апрель 2018 03:00

Азнакай укучылары җитәкче булырга өйрәнә

Очрашуда районның бүгенге көн сулышы, шәһәр һәм район үсешендәге яңарышлар белән дә таныштырдылар.

Скопировать ссылку

(Азнакай, 18 апрель, “Татар-информ”, “Маяк”, Лиза Нурлыева). Җирле үзидарә органнары көне якынлашканда Азнакай районы мәктәпләрендә әлеге темага багышлап ачык дәресләр уза. Район башлыгы урынбасары Наҗәт Нәгыймов, район Советы аппараты җитәкчесе Айдар Хәлиуллин, башкарма комитеты җитәкчесе Айдар Шәмсетдинов һәм башка җитәкчеләр шәһәребез гомумбелем бирү мәктәпләрендә шул дәресләрдә катнаштылар, дип яза район газетасы.

Алар өлкән сыйныфта укучы егет-кызларга җирле үзидарә органнары алдында торган бурычлар, аларның структурасы һәм эшчәнлеге хакында гына түгел, ә дәүләтнең югары даирә баскычлары, җаваплы вазифалардагы шәхесләр турында да бик мавыктыргыч итеп сөйләде. Шулай ук районның бүгенге көн сулышы, шәһәр һәм район үсешендәге яңарышлар белән дә таныштырдылар. Әлбәттә, сүз районда ел да үткәрелүче дублер көне турында да барды.

Укучылар үзләре дә сораулар бирде, фикерләрен җиткерделәр.

–Җитәкче булу үтә җаваплы да, шул ук вакытта абруйлы да хезмәт. Сез аңа үзегезне менә шушы мәктәп елларыннан ук әзерләргә тиеш, – дип егет-кызларга киңәшләрен дә җиткерде мәктәп кунаклары, диелә район хәбәрендә.

#Азнакай #Маяк

Сәхифәләр

Азнакай укучылары җитәкче булырга өйрәнә