Азнакай Татарстанның иң яхшы спорт шәһәре булып танылды
Кичә Идел буе физик культура, спорт һәм туризм академиясендә “Ел спортчысы” чарасы узды.
Скопировать ссылку
(Азнакай, 18 декабрь, "Татар-информ", "Маяк", Тансылу Саниева). Кичә Идел буе физик культура, спорт һәм туризм академиясендә “Ел спортчысы” чарасында Азнакай шәһәренә "Массакүләм физкультура-сәламәтләндерү эшен оештыру буенча Татарстан Республикасының иң яхшы шәһәре” исем бирелде. Бу турыда район басмасы яза.
"Мондый югары исемгә лаек булу – бер көн нәтиҗәсе генә түгел. Җиңүчеләрне билгеләгәндә җирлегебездә спорт белән шөгыльләнүчеләр саны да, спорт ярышларында ирешкән уңышлар да исәпкә алынган", – диде физик культура һәм спорт идарәсе җитәкчесе Рәфис Миңнеханов.