Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Азнакай шәһәр гимназиясендә экологиягә багышланган парламент дәресе узды
Соңыннан депутат абыйлары укучыларга табигать, экология турында китаплар бүләк итте.
(Азнакай, 7 март, "Татар-информ", “Маяк”, Нәсимә Фазлыева). Азнакай шәһәр гимназиясендә Татарстан Дәүләт советының экология, табигать байлыкларыннан файдалану һәм аграр мәсьәләләр комитеты рәисе, депутат Таһир Һадиев, экология һәм табигать ресурслары буенча Ык буе территориаль идарәсе җитәкчесе Хәлил Мөстәкыймов һәм башка җитәкчеләр катнашында өлкән сыйныф укучылары белән экология темасына багышланган парламент дәресе узды, дип яза районның "Маяк" газетасы.
Дәреснең төп максаты: укучыларда табигатькә сак караш тәрбияләү, кече Ватаныбызның чисталыгы, сафлыгы, иминлеге өчен үз өлешебезне кертү. Укытучылары Әлфия Баһауованың эчтәлекле, тәрбияви дәресе барышында укучылар табигатебез турында бик күп мәгълүмат алдылар, кече дусларыбыз, табигатьне саклауда игелекле гамәлләр кылырга кирәклегенә инандылар. Дәрестә катнашкан мәртәбәле кунаклар да укучыларның күңеленә үтеп керердәй акыллы киңәш-тәкъдимнәрен бирделәр.
Соңыннан депутат абыйлары укучыларга табигать, экология турында китаплар бүләк итте, диелә район хәбәрендә.
Кызыклы яңалыкларны күзәтеп бару өчен Телеграм-каналга язылыгыз