Фән һәм мәгариф 30 март 2017 03:00

Азнакай сабыйлары рус мәдәнияте белән танышты

24-28 апрельдә балалар бакчасында Татар мәдәнияте атналыгы узачак.

Скопировать ссылку

(Азнакай, 30 март, “Татар-информ”, “Маяк”, Зөлфия Гайсина). Азнакай шәһәренең 9 нчы “Салават күпере” балалар бакчасында Рус мәдәнияте атналыгы үтте, дип яза "Маяк" газетасы.

Балалар рус халык ашлары, матрешкалары, мультфильмнары белән таныштылар. Атналыкның һәрбер көне аерым бер темага багышланды. Балалар әти-әниләре белән берлектә рус халык әкиятләренә багышланган китапчыклар ясадылар, “Китапның туган көне” бәйрәмендә аларны тәкъдим итеп, соңыннан кечкенәләр төркеменә бүләк иттеләр. “Көләч йөзле күмәч” кичәсендә кечкенәләр Күмәч белән бергә Яз кызын эзләделәр, юлларында очраган кыргый хайваннар белән уеннар уйнадылар. “Матур яз” бәйрәменә рус егете Лель белән Чишмә кызы, Яз һәм Кыш кунакка килделәр, үзара ярыштылар. Әлбәттә, Яз кызы иң өлгер, иң җитез булып чыкты. Кыш балаларга теләкләрен әйтеп саубулллашты. “Китапханәдә кунакта” көнендә зурлар төркеме балалар китапханәсенә бардылар.

Рус мәдәнияте атналыгы балаларга гына түгел, ә әти-әниләр өчен дә тәрбияви чараларның берсе булды.

Ә 24-28 апрельдә бакчада Татар мәдәнияте атналыгы узачак, диелә район хәбәрендә.

#Азнакай #Маяк

Сәхифәләр

Азнакай сабыйлары рус мәдәнияте белән танышты