Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Азнакай районының кечкенә авылында зурлап Каз өмәсе үткәргәннәр
Өмә бөтен гореф-гадәтләрне үтәп, авыл яшьләре катнашында узды.
(Азнакай, 13 декабрь, «Татар-информ», «Маяк», Лиза Нурлыева). Азнакай районының Сөендек авылында зурлап Каз өмәсе үткәргәннәр. Бу турыда район басмасы хәбәр итә.
Клуб мөдире Эльвира Халикова милли йолаларыбызны яшәтү, аларга заманча төсмерләр өстәүгә зур әһәмият бирә. Миләүшә һәм Мирфаяз Мөстәкыймовлар ихатасында оештырылган каз өмәсе дә бик күңелле, нәкъ әби-бабайларыбыз рухында, бөтен гореф-гадәтләрне үтәп, авыл яшьләре катнашында узды.
Ханым-туташлар каз йолкыганда ир-егетләр гармун уйнап, җырлап, дәрт өстәп, вак-төяк эшләрдә булышып йөрде. Чишмә буенда каз түшкәләре чайкаганда да ярдәм иттеләр.
Эш беткәч, барысы бергәләп табын артында каз өресендә пешкән аш, каз маенда чыжлаган тәбикмәк белән сыйланды.
«Алдагы елларда да казларыгыз күп булсын, бәрәкәтен күрергә язсын үзләренең», — дип теләде өмәдә катнашучылар.
Кызыклы яңалыкларны күзәтеп бару өчен Телеграм-каналга язылыгыз