Хәвеф-хәтәр 3 декабрь 2018 09:14

Азнакай районында «Лада» автомобиле бәрдергән әби белән оныгы үлгән

Ике кешенең үлеменә китергән юл һәлакәте кичә Чемодур авылында булган.

Скопировать ссылку

(Казан, 3 декабрь, «Татар-информ»). Азнакай районында «Лада» автомобиле 59 яшьлек хатын-кыз һәм аның 8 яшьлек оныгын бәрдергән. Бу хакта ТР буенча Эчке эшләр министрлыгының матбугат хезмәте хәбәр итә.

Кичә көндезге өчләр тирәсендә Чемодур авылында «Лада Гранта» автомобилен идарә итүче 29 яшьлек ир-ат зур тизлектә юл читенә чыккан һәм 59 яшьлек хатын-кыз белән аның оныгын таптаткан.

Әби еблән онык икесе дә шунда ук үлгән.

Хәзерге вакытта ЮХИДИ хезмәткәрләре авариянең нечкәлекләрен ачыклый.

#юл һәлакәте

Сәхифәләр

Азнакай районында «Лада» автомобиле бәрдергән әби белән оныгы үлгән