Азнакай районында чит ил автомобиле йөртүчесе һәлакәттә зыян күргән - фото
Һәлакәттә зыян күргән йөртүче төрле җәрәхәтләр белән хастаханәгә озатылган
Скопировать ссылку
(Казан, 8 сентябрь, «Татар-информ», Светлана Белова). Бүген сәгать 3 тирәсендә Азнакай – Чекан автоюлында 46 яшьлек ир-ат «Шкода» автомобиле белән идарә итә алмаган, аның машинасы юлдан "чыгып очкан" дип хәбәр итә Россия Гадәттән тыш хәлләр министрлыгының Татарстан буенча Баш идарәсе матбугат хезмәте җитәкчесе Андрей Родыгин.
Юл-транспорт һәлакәте Азнакай районы Митрәй торак пункты тирәсендә булган. Һәлакәттә зыян күргән йөртүче төрле җәрәхәтләр белән хастаханәгә озатылган. Аның ике пассажирының хәле турында мәгълүмат ачыклана.
