Җәмгыять 25 декабрь 2018 22:00

Азнакай районы Бирючевка авылында күпфункцияле үзәк ачылды

Чарада төзекләндерү эшләрен сыйфатлы итеп башкарган хезмәткәрләрне, авылның юбилярларын бүләкләделәр.

Скопировать ссылку

(Азнакай, 25 декабрь, “Татар-информ”, “Маяк”, Резеда Шәрипова). Яңа ел алдыннан Азнакай районы Бирючевка авылында күпфункцияле үзәк ачылды, дип хәбәр итә район газетасы.

Хәзер үз эченә балалар бакчасын, мәдәният йортын, спорт залын, почта, фельдшер-акушерлык пунктын һәм авыл Советын алган элекке мәктәп бинасын республика һәм нефтьчеләр ярдәмендә капиталь ремонтлаганнар.

Район башлыгы урынбасары Наҗәт Нәгыймов, "Азнакайнефть" идарәсе начальнигы урынбасары Наил Вәлиев, мәгариф идарәсе җитәкчесе Альберт Рахманов бәйрәм белән тәбрикләп, изге теләкләрен җиткерделәр, балалар бакчасына уенчыклар һәм Кыш бабай бүләкләрен тапшырдылар.

Бирегә 12 бала йөри, әле тагын яшь алмаш үсеп килә. Авылда балалар тавышы яңгыраса, тормыш дәвам итә дигән сүз.

Спорт залында, Яңа елга матур итеп бизәлгән чыршы янында дәвам иткән тантаналы чарада төзекләндерү эшләрен сыйфатлы итеп башкарган хезмәткәрләрне, авылның юбилярларын бүләкләделәр, үзешчәннәр кичәне үзләренең җыр-моңнары белән бизәделәр.

#Азнакай #Маяк

Сәхифәләр

Азнакай районы Бирючевка авылында күпфункцияле үзәк ачылды