Азнакай районы авыллары бәйгесендә җиңгән замана әбиләре район турында көч сынашачак
Бу бәйгедә замана әбиләре үзләренең аш-суга, җыр-моңга, кул эшләренә осталыкларын күрсәттеләр.
Скопировать ссылку
(Азнакай, 10 апрель, "Татар-информ", "Маяк", Резеда Шәрипова). Азнакай районы авыл мәдәният йортлары арасында "Заманча супер-әби" бәйгесе бара. Иң көчлеләр район турында көч сынашачак. Бу турыда район газетасы сайтында хәбәр ителә.
Бәйге турлары Бирючевка, Әлкәй, Мәндәй мәдәният йортларында узды. Тагын иҗат коллективлары чыгышы көтелә.
Борын-борыннан әбиләр буыннар чылбырын бәйләүчеләр, гореф-гадәтләребезне, халык иҗатын оныкларына тапшыручылар, аларны бишектән багып тәрбияләүчеләр булганнар. Бу бәйгедә замана әбиләре үзләренең аш-суга, җыр-моңга, кул эшләренә осталыкларын күрсәттеләр.