Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Азнакай педагоглары зона бәйгесенә әзерләнәләр
Җиңүчеләр Азнакай данын зона турларында яклаячак.
(Азнакай, 1 февраль “Татар-информ”, “Маяк”, Резеда Шәрипова). Һәр елны Азнакай районы педагоглары үзләренең һөнәри осталыкларын сыныйлар, дип хәбәр итә район газетасы.
“Ел укытучысы-2018” республика бәйгесенең муниципаль турында район мәктәпләреннән 14 укытучы катнашты. Бәйге шәһәребезнең 1, 2, 8 нче мәктәпләрендә һәм гимназиядә үтте. Конкурсантлар ачык дәресләр, мастер-класслар күрсәттеләр, түгәрәк өстәл эшендә катнаштылар. “Ел укытучысы-2018” номинациясендә 1 нче урта мәктәпнең рус теле укытучысы Гөлнара Зәйдуллина, 2 нче урта мәктәпнең инглиз теле укытучысы Гөлназ Сәитова, “Иң яхшы татар теле укытучысы” номинациясендә гимназиядән Фәйрүзә Хөсәинова, “Педагогик дебют” номинациясендә Актүбә 2 нче урта мәктәбенең инглиз теле укытучысы Әдилә Шәвәлиева җиңүче дип табылдылар.
«Ел тәрбиячесе – 2018» Бөтенроссия бәйгесенең муниципаль турында 9 нчы «Салават күпере» балалар бакчасының татар телен укыту буенча тәрбиячесе Зөлфия Гайсина – беренче, 13 нче «Рябинка» балалар бакчасы укытучы-логопеды Әлфия Кәримова – икенче, 10 нчы «Алтынчәч» балалар бакчасы тәрбиячесе Гүзәл Райманова өченче урынга лаек булды.
“ОБЖ” (“Тормыш иминлеге нигезләре”) курсы буенча Азнакай районының ел укытучысы дип 5 нче урта мәктәптән Руслан Салифов танылды. Әлеге бәйге Азнакай 1 нче урта мәктәбе базасында узды. Конкурсантлар үз фәннәре буенча ачык дәрес бирделәр һәм иҗади эшләрен тәкъдим иттеләр.
Алар Азнакай данын зона турларында яклаячаклар, диелә район хәбәрендә.
Кызыклы яңалыкларны күзәтеп бару өчен Телеграм-каналга язылыгыз