news_header_top_970_100
news_header_bot_970_100

Азнакай мәктәпләрендә “Финанс белеме көне” Бөтенроссия акциясе уздырылачак

Пенсия фонды, финанс оешмалары вәкилләре ачык дәресләр үткәрә

 (Казан, 3 сентябрь, “Татар-информ”). 5-6 сентябрьдә Азнакай районының барлык мәктәпләрендә “Финанс белеме көне” Бөтенроссия акциясе уздырылачак. Аның максаты – шәхси финанслар белән нәтиҗәле идарә итү күнекмәләрен яшьтән үк тәрбияләү. Ник дигәндә, базар икътисады шартларында акчаңны саный, тота һәм арттыра белү бик мөһим.

Мәгариф идарәсе хәбәр итүенчә, бу көнне Пенсия фонды идарәсе, салым инспекциясе, дәүләт финанс оешмалары вәкилләре катнашында ачык дәресләр, мастер-класслар, интеллектуаль уеннар үткәреләчәк, дип игълан итте районның “Маяк” газетасы.

news_right_column_1_240_400
news_right_column_2_240_400
news_bot_970_100