Азнакай көрәшчеләре алтын медальләр яуладылар
Көрәш ярышларында Илфат Миңнегалиев, Руслан Сәлимов үз авырлык категорияләрендә чемпион калдылар.
Скопировать ссылку
(Азнакай, 20 март, "Татар-информ", "Маяк", Тансылу Саниева). Башкортстан Республикасы Бакалы районында спорт фестивале үтте. Азнакай көрәшчеләре анда алтын медальләр яуладылар. Бу турыда район басмасы хәбәр итә.
Анда Юбилейный балалар һәм яшүсмерләр спорт мәктәбендә шөгыльләнүче спортчылар да катнаштылар. Көрәш ярышларында Илфат Миңнегалиев, Руслан Сәлимов үз авырлык категорияләрендә чемпион калдылар. Ислам Закиров икенче урынга лаек булды.