Җәмгыять 22 июнь 2017 08:00

Азнакай егетләре хәрби ант бирде

Узган шимбәдә 30 кешелек район делегациясе Самарадагы үзебезнең шефлык итүче хәрби частьта булып кайтты.

Скопировать ссылку

(Азнакай, 22 июнь, “Татар-информ”, “Маяк”, Лиза Нурлыева). Узган шимбәдә 30 кешелек район делегациясе Самарадагы үзебезнең шефлык итүче хәрби частьта булып кайтты. Бу көнне быел яз армиягә киткән 15 егетебез тантаналы төстә присяга кабул итте, дип яза районның “Маяк” газетасы.

Нигездә егетләрнең әти-әниләреннән торган Азнакай делегациясен район Советының аппарат җитәкчесе Айдар Хәлиуллин җитәкләде.

Тантананы часть командиры ачып, аның бүгенге көн сулышы белән таныштырды. Район Советының аппарат җитәкчесе Айдар Хәлиуллин, Республика хәрби комиссариатының Азнакай районы һәм шәһәре буенча бүлек начальнгы Рәдиф Камалеев егетләребезне чын солдатлар булулары белән тәбрикләп, аларның илебез иминлеген сагында яхшы хезмәт итүләрен теләделәр.

Хәрби ант бирү вакыйгасыннан соң командирлар әти-әниләр белән очрашу үткәреп, аларны солдатларның яшәү шартлары белән таныштырдылар, казарманы, ашханәне күрсәтеп чыктылар, туклану рационы, биредәге тәртипләр хакында сөйләделәр.

Сүз уңаеннан, көзен дә бу частьта хезмәт итүчеләрнең 30ы Азнакай егете иде, бу сан хәзер дә шул дәрәҗәдә, диелә район хәбәрендә.

#Азнакай #Маяк

Сәхифәләр

Азнакай егетләре хәрби ант бирде