Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Азнакайның иң сәләтле укучыларына «Чулпан» премиясе тапшырылды
Азнакай районында «Чулпан» конкурсы сәләтле балаларны ачыклау һәм үстерү максатларында уздырыла. Быел әлеге премиягә 17 номинация буенча укуда, спортта, сәнгатьтә, иҗтимагый юнәлештә актив 51 укучы һәм отрядлар ия булды. Бу хакта «Азнакай» сайтында хәбәр ителә.
Беренче бүләкне Азнакай муниципаль районы башлыгы Марсель Шәйдуллин иң яхшы шәһәр мәктәбе укучыларына тапшырды.
«Сәләтле балаларның күплеге белән горурланабыз. Аларны тәрбияләгән ата-аналарга, педагогларга, иганәчеләргә ярдәмнәре өчен зур рәхмәт», – диде ул.
Конкурска барлыгы 121 укучыдан гариза кергән. Һәр номинация буенча шул өлкәгә караган белгечләр жюри составында арадан иң сәләтлеләрне сайлап алган.
Конкурс җирлегебездә эшләп килүче предприятие-оешмалар, эшмәкәрләр ярдәмендә уза. Җиңүчеләргә дипломнар һәм акчалата бүләкләр тапшырылды.
Кызыклы яңалыкларны күзәтеп бару өчен Телеграм-каналга язылыгыз