Азнакайда «ЧанаФест» креатив чаналар фестивале була
Скопировать ссылку
6 гыйнварда 10.00 сәгатьтә Р.Ишкәев исемендәге ял паркында «ЧанаФест – 2023» креатив чаналар фестивале уздырыла. Анда теләге булган һәркем: оешма-предприятиеләр, клублар, күпфункцияле үзәк командалары да катнаша ала. Бу хакта «Азнакай» сайтында хәбәр ителә.
Фестивальдә түбәндәге номинацияләр буенча нәтиҗә ясалачак: «Иң креатив чаналар», «Оригиналь костюмнар», «Оригиналь чыгыш», «Дус команда», «Майлаган кебек!» (таудан иң тиз төшү), «Милли колорит», «Шуып төштек» (иң ерак арага шуу).