Азнакайда Зәңгәр мәчет мәдрәсәсендә мөселман балалары өчен җәйге укулар башланды
Скопировать ссылку
Азнакайда Зәңгәр мәчет мәдрәсәсендә 7-11 яшьлек мөселман балалары өчен җәйге укулар башланды. Бу хакта «Азнакай» сайтында хәбәр ителә.
Программада Ислам дине нигезләрен, иман шартларын өйрәнү, тәһарәт алу, намаз уку, Коръән сүрәләре уку-ятлау, әдәп-әхлак дәресләре, пәйгамбәрләр тормышын өйрәнү, кул эшләре дәресләре бар. Дәресләр ачык һавада уеннар белән аралап алып барыла. Балаларны 3 тапкыр ашаталар.
Кызыклы очрашулар да планга кергән. Дәресләргә 40 бала килгән.
Балаларга хәерле гыйлемнәр бирергә, Аллааһ Тәгаләбез ризалыгын алырга насыйп булсын, ин шәә Аллааһ