Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Азнакайда яңа ЗАГС бинасы ачылды
Бүген Азнакайга Татарстан Премьер – министры урынбасары Васил Шәйхразыев килде. Ул ЗАГС бинасын ачу тантанасында катнашты. Анда шулай ук «Татнефть»нең генераль директоры урынбасары, ТР Дәүләт Советы депутаты Рөстәм Мөхәммәдиев, Министрлар Кабинетының Гражданлык хәле актларын теркәү идарәсе башлыгы Гөлшат Нигъмәтуллина да бар иде.
2021 елда «Татнефть» ярдәме белән яңа ЗАГС бинасы проекты эшләнеп, аңа нигез салына башлады. Капиталь кертем күләме 103 миллион сум тәшкил иткән.
Бер катлы бина, тышкы яктан әллә ни зур күренмәсә дә, эче шактый иркен. Ул ике зонага бүленгән: дәүләт торышы актларын теркәү, тантаналар залы, административ өлеш.
Район башлыгы Марсель Шәйдуллин яңа Никахлашу сарае идеясын хуплаган Татарстан хөкүмәтенә һәм аны кыска срокта сафка бастырган «Татнефть» җитәкчелегенә барлык азнакайлылар исеменнән рәхмәтләрен җиткерде.
ТР Премьер – министры урынбасары Васил Шәйхразыев бинаның бик зәвыклы булуын ассызыклап, аның Татарстанда иң матур Гаилә йортларының берсе булуын әйтте.
ТР Дәүләт Советы депутаты Рөстәм Мөхәммәдиев, Министрлар Кабинетының Гражданлык хәле актларын теркәү идарәсе башлыгы Гөлшат Нигъмәтуллина да азнакайлыларны Никахлашу сараеның өй туе белән котлап, иң изге теләкләрен ирештерде.
«Яңа бинаның ишекләре һәрчак ачык. Яшь парларны матур гаилә кору тантанасына көтеп калабыз», – диде ЗАГС бүлеге җитәкчесе Айгөл Хәсәнова.
Анда районның 50 елдан артык тату гомер иткән үрнәк гаиләләрне дә хөрмәтләделәр.
Кызыклы яңалыкларны күзәтеп бару өчен Телеграм-каналга язылыгыз