Азнакайда «Иң җитез автобабай һәм автоәби» бәйгесе җиңүчеләрен ачыкладылар
Скопировать ссылку
Халыкара өлкәннәр көне уңаеннан Дәүләт автоинспекциясенең Азнакай районы бүлекчәсе һәм «Юл хәрәкәте хәвефсезлеге» учреждениесенең профилактика буенча бүлеге, Азнакай ДОСААФы белән өлкәннәр арасында машина йөртү осталыгы бәйгесе оештырды. Бу хакта «Азнакай» сайтында хәбәр ителә.
Шоферлар юл кагыйдәләре буенча сорауларга җаваплар бирде, соңыннан машина йөртү осталыгын да күрсәтте.
«Иң җитез автобабай һәм автоәби» район бәйгесендә беренче урынны Гөлфия Абдуллина яулады. Икенче һәм өченче урыннарны Ринат Закиров һәм Назыйф Хәсәнов бүлеште.
Җиңүчеләргә һәм барлык катнашучыларга «Юл хәрәкәте хәвефсезлеге» учреждениесенең профилактика буенча бүлек җитәкчесе Альмира Сәгъдәтуллина бүләкләр тапшырды.