Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Азнакайда бер балалар бакчасының мөдирен һәм тәрбиячеләрен эштән куганнар
Азнакай районында «Йолдызчык» балалар бакчасы тәрбиячеләрен эштән куганнар, анда балаларга карата рәхимсез мөгамәлә очраклары ачыкланган. Бу хакта Азнакай районы мәгариф идарәсе җитәкчесе Зөлфия Гыйләҗева хәбәр итте.
«Кызганычка каршы, Азнакайның 6 нчы «Йолдызчык» балалар бакчасында балаларга карата рәхимсез мөгамәлә очраклары булган. 2022 елның 25 октябрендә ата–ана балалар бакчасы җитәкчесенә бала белән тәрбияченең тупас мөгамәләсенә шикаять белән мөрәҗәгать итте», - диде ул.
Зөлфия Гыйләҗева сүзләренчә, балалар бакчасы мөдире хезмәт тикшерүе максаты белән комиссия төзегән. Төркемнең барлык хезмәткәрләре дә сораштырылды, төркемнең тәрбиячеләре һәм кече тәрбиячеләре аңлатма бирде.
«Тәрбиячеләр РФ Хезмәт Кодексы маддәсе нигезендә эштән азат ителде. Төркемгә яңа тәрбиячеләр билгеләнде. Балалар бакчасы мөдире тәрбиячеләрнең эшен контрольдә тотуны тиешенчә оештырмаган өчен эштән азат итү рәвешендә дисциплинар җаваплылыкка тартылды», – дип билгеләде Гыйләҗева.
Моңа кадәр ТР Прокуратурасы Азнакайдагы балалар бакчаларының берсендә тәрбиячеләрнең балалар белән тупас тотуларын тикшерә. Алар балаларны төрлечә тарткалаган, кычкырга, җәза бирү рәвешендә аларны коридорда бикләп тоткан. Болар барысы да видеога төшерелгән.
Кызыклы яңалыкларны күзәтеп бару өчен Телеграм-каналга язылыгыз