Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Азнакай ханымнары махсус хәрби операциядә катнашучылар өчен токмач кисә
Бу көннәрдә Азнакайның Урсай авылы ханым-туташлары бергә җыелып токмач кисү өмәсе ясаган. Алар аны махсус хәрби операциядә катнашучылар өчен әзерли. Бу хакта ветераннар советы рәисе Рүзилә ханым Зарипова хәбәр итте. «Азнакай» сайтында шул хакта хәбәр ителә.
«Авылыбызның уңган-булган, олы җанлы, күңелләре игелек белән тулы 25 ханым-туташ илдәге вазгыятьне аңлап, саваплы һәм изге эшкә алынды. Аналар, апа-сеңелләрнең кул җылысы салып әзерләгән ризык иминлек сагындагы хәрбиләргә сәламәтлек, көч-куәт өстәсен! Аларның барысының да җиңү яулап, исән-имин үз гаиләләренә әйләнеп кайтуларын тели-тели кистек токмачларны», – дип сөйләде ул.
Мондый өмәләр районның башка авылларында да дәвам итә. Татшуган, Әгерҗе, Тымытык авылларында гүзәл затлар, шәһәрдә волонтерлар шулай җыелып токмач кисүләре, маскировкалау челтәре үрүләре хакында да социаль челтәрләрдә язмалар, фотосурәтләр күреп күңел сөенә, аларга карата хөрмәт, горурлану хисләре уяна, диелгән хәбәрдә.
Кызыклы яңалыкларны күзәтеп бару өчен Телеграм-каналга язылыгыз