Азнакай шагыйрәсе балаларны түбәтәй тегәргә өйрәтте
Скопировать ссылку
Азнакай районы үзәк китапханәсендә гореф-гадәтләрне, йолаларны саклауга багышланган бик матур чаралар үткәрелә. Шагыйрә Халидә Галимова балаларны түбәтәй тегәргә өйрәтте. Бу хакта «Азнакай» сайтында хәбәр ителә.
«Шушы көннәрдә шагыйрә Халидә Галимова кунакта булды. Ул кул эшләренә дә оста: түбәтәйләр, камзуллар тегә. Халидә апалары 8нче мәктәпнең 10 сыйныф укучыларына халкыбызның милли бизәге булган түбәтәй тегү буенча мастер-класс бирде. Балалар үзләре дә бик кызыксынып катнашты», – ди китапханәче Гөлчәчәк Садретдинова.