news_header_top
16+
news_header_bot
news_top

Азнакай районында өч көн элек югалган балыкчыны эзлиләр

18 октябрьдә Азнакай районының Урсай авылы янында Ык елгасында су коенганда баткан 33 яшьлек ир-атны өченче тәүлек эзлиләр.

Кичә водолазлар 50 мең квадрат метр мәйданда елга акваториясен трал белән тикшергән, яр буе линиясен караган. Кызганыч, эзләүләр нәтиҗә бирмәгән.

«Татар-информ»га Татарстан буенча Россия Гадәттән тыш хәлләр министрлыгында хәбәр итүләренчә, алга таба эзләүләр полиция соравы буенча башкарылачак.

Искәртеп үтик, узган шимбәдә ир-ат балык тотарга бара, су коенырга уйлый һәм елгада бата. Якшәмбе көнне водолазлар төркеме 200 квадрат метр мәйданны, ә трал белән 150 мең квадрат метр мәйданны тикшерә.

news_right_1
news_right_2
news_bot